PANALANGIN BAGO UMALIS
DIYOS NA MAAWAIN, kaawaan po Ninyo, na sa paglakad kong ito ay maligtas ako sa ano mang pakikipag-alit, kasakunaan at pagkakasala at kahit manawari ay kalugdan ako ng sino mang aking nasang makaharap o makapulong at makamtan ko sa kanila ang aking nasang mabuti.
Patnubayan Ninyo ako, aking Mahal na Maestro at Mananakop, Mahal na Ina ng sangkatauhan, Mahal na Protektor, Mahal na Anghel na Tagatanod, at ibang mabubuting espiritung alagad ng Diyos sa paglakad kong ito upang ako ay malayo sa pakikipag-alit, kasakunaan at pagkakasala at gawin ninyong ako ay kagiliwan ng aking makakaharap at matamo ko sa kanila ang aking nasang mabuti.
Siya Nawa.
PANALANGIN PAGSAPIT SA PATUTUNGUHAN
Salamat po, O DIYOS NA MAAWAIN, aking Mahal na Maestro at Mananakop, Mahal na Protektor, Mahal na Anghel na Tagatanod, at ibang mga mabubuting espiritung alagad ng Diyos at pinatnubayan Ninyo ako ng Inyong pagkakandili hanggang makasapit ako ng maluwalhati dito, at maano nawa na maging karapat-dapat ako sa Inyong pagpapala.
Siya Nawa.
PANALANGIN BAGO MATULOG
Salamat po, O DIYOS NA MAAWAIN, at pinagkalooban Mo pa ako ng buhay at lakas hanggang sa gabing ito, at maano nawa ay bigyan Mo pa ako ng kaunting buhay at lakas at magamit ko nawa ito sa paglalahad ng mga banal Mo pong kautusan sa mga taong nasa kalabuan.
Ipinakikipagtipan ko po sa Inyo, Diyos ko, na lalayuan ko at iiwan ang mga gawaing may kababaan at ang buhay kong nalalabi pa ay gagamitin ko sa pawang pag-ibig una ay sa Iyo at ikalawa ay sa aking mga kapwa tao.
Salamat po sa Inyo, Mahal na Ina ng sangkatauhan, Mahal na Protektor, aking Mahal na Anghel na Tagatanod, at ibang mabubuting espiritung alagad ng Diyos, at ako ay inyong pinatnubayan sa lahat ng dako at sa tuwina, upang huwag akong madaya at malayo ako sa pakikipag-alit, pagkakasala at kasakunaan, at nawa ay ganito ang maghari sa akin sa bawa’t sandali at saan mang dako, at mapanuto ako sa lahat ng aking mabubuting alagatain.
Ilayo Ninyo ang aking kaluluwa sa mga espiritu na may kadiliman at gawin ninyong sa gabing ito ay kayo lamang ang aking makapulong at makintal nawa sa aking ala-ala ang Inyong mga Banal na Aral.
Tulungan Ninyo ako upang magkaroon ako ng lakas ng maiwan ko ang lahat ng aking hindi karapat-dapat na gawain at hilig ng katawan at maghari na lamang sa akin ang mabubuting mga isipan at damdamin at kahit manawari ay maging karapat-dapat naman alo sa Inyong pagpapala.
Siya Nawa.
PANALANGIN UPANG MALIGTAS SA HIBO NG MABABANG ESPIRITU
Sa ngalan ng AMANG MAKAPANGYARIHAN sa lahat, ang mga mababang espritu nawa ay lumayo sa akin at ang mga mabubuting espritu ay maging baluti ko laban sa kanila.
Mga mababang espiritu na nag-uudyok ng isipang hindi karapat-dapat sa mga tao; mga espiritung sinungaling at mapanglinlang, mapagbiro at nangliligalig sa mahinang isipan, itinatakwil ko kayo ng boong lakas ng aking kaluluwa at ipinipinid ko ang aking pandinig sa inyong hikayat. Nawa ay lumukob sa inyo ang awa ng Diyos.
Mga mabubuting espiritu na naging marapat na tumulong sa akin, bigyan ninyo ako ng lakas na mapaglabanan ko ang hinuhod ng mga mababang espiritu at ng tanglaw ng liwanag upang mahadlangan ang kanilang buktot na hangarin. Ilayo ninyo ako sa kayabangan at pagmamapuri, alisin ninyo sa aking puso ang pangingimbulo, ang poot, ang pagtatanim at ang lahat ng isipang laban sa kawanggawa.
Siya Nawa.
Juan 17
1 Ang mga bagay na ito ay sinalita ni Jesus; at sa pagtingala ng kaniyang mga mata sa langit ay sinabi niya, Ama, dumating na ang oras; luwalhatiin mo ang iyong anak upang ikaw ay luwalhatiin ng Anak;
2 Gaya
3 At ito ang buhay na walang hanggan, na ikaw ay makilala nila na iisang Diyos na tunay at siyang iyong sinugo, samakatuwid baga'y si Jesucristo.
4 Niluwalhati kita sa lupa, pagkaganap ko ng gawa na ipinagawa mo sa akin.
5 At ngayon Ama, luwalhatiin mo ako sa iyo rin ng kaluwalhatiang aking tinamo sa iyo bago ang sanglibutan ay naging gayon.
6 Ipinahayag ko ang iyong pangalan sa mga tao na ibinigay mo sa akin mula sa sanglibutan: sila'y iyo, at sila'y ibinigay mo sa akin; at tinupad nila ang iyong salita.
7 Ngayon ay nangakilala nila na ang lahat ng mga bagay na sa akin ay ibinigay mo ay mula sa iyo:
8 Sapagka't ang mga salitang sa akin ay ibinigay mo ay ibinigay ko sa kanila; at kanilang tinanggap, at nangakilala nilang tunay na nagbuhat ako sa iyo, at nagsipaniwalang ikaw ang nagsugo sa akin.
9 Idinadalangin ko sila: hindi ang sanglibutan ang idinadalangin ko, kungdi yaong mga sa akin ay ibinigay mo; sapagka't sila'y iyo:
10 At ang lahat ng mga bagay ay iyo, at ang mga iyo ay akin: at ako'y lumuluwalhati sa kanila.
11 At wala na ako sa sanglibutan, at ang mga ito ay nasa sanglibutan, at ako'y paririyan iyo. Amang Banal, ingatan mo sila sa iyong pangalan yaong mga ibinigay mo sa akin upang sila'y maging isa, na gaya
12 Samantalang ako'y sumasa kanila, ay iningatan ko sila sa iyong pangalan yaong mga ibinigay mo sa akin: at sila'y binatayan ko, at isa man sa kanila'y walang napahamak , kungdi ang anak ng kapahamakan; upang matupad ang kasulatan.
13 Nguni't ngayon ay napaririyan ako sa iyo; at sinasalita ko ang mga bagay na ito sa sanglibutan, upang sila'y mangagtamo ng aking kagakalakang ganap sa kanila rin.
14 Ibinigay ko sa kanila ang iyong salita; at kinapootan sila ng sanglibutan, sapagka't hindi sila taga sanglibutan, gaya
15 Hindi ko idinadalangin na alisin mo sila sa sanglibutan, kungdi ingatan mo sila mula sa masama.
16 Hindi sila taga sanglibutan na gaya
17 Pakabanalin mo sila sa katotohanan: ang salita mo'y katotohanan.
18 Kung papaanong ako'y iyong sinugo sa sanglibutan, sila'y gayon ding sinusugo ko sa sanglibutan.
19 At dahil sa kanila'y pinabanal ko ang aking sarili, upang sila naman ay mangagpakabanal sa katotohanan.
20 Hindi lamang sila ang idinadalangin ko, kungdi sila rin naman na mga nagsisisampalataya sa akin sa pamamagitan ng kanilang salita;
21 Upang silang lahat ay maging isa; na gaya
22 At ang kaluwalhatiang sa aki'y ibinigay mo ay ibinigay ko sa kanila; upang sila'y maging isa, na gaya
23 Ako'y sa kanila, at ikaw ay sa akin, upang sila'y malubos sa pagkakaisa; upang makilala ng sanglibutan na ikaw ang sa akin ay nagsugo, at sila'y iyong inibig, na gaya ko na inibig mo.
24 Ama, yaong mga ibinigay mo sa akin ay ibig kong kung saan ako naroroon, sila naman ay dumoong kasama ko, upang makita nila ang kaluwalhatian ko , na ibinigay mo sa akin: sapagka't ako'y iyong inibig bago natatag ang sanglibutan.
25 Oh Amang Banal, hindi ka nakikilala ng sanglibutan, nguni't nakikilala kita; at nakikilala ng mga ito na ikaw ang nagsugo sa akin;
26 At ipinakilala ko sa kanila ang iyong pangalan, at ipakikilala ko; upang ang pag-ibig na sa akin ay iniibig mo ay mapasa kanila, at ako ay sa kanila.
AMA NAMIN
Ama namin, sumasa langit Ka.
Sambahin ang ngalan
Mapasa-amin ang kaharian
Sundin ang loob Mo dito sa lupa para nang sa langit
na aming kakanin sa araw-araw.
At patawarin Mo kami ng aming mga sala,
para nang pagpapatawad namin sa ma nagkakasala sa amin.
At huwag Mo kaming ipahintulot sa tukso,
at iadya Mo kami sa lahat ng masama.
at iadya Mo kami sa lahat ng masama.
Amen
PANALANGIN SA MGA YUMAO
Panginoong Makapangyarihan, maano nawa na ang iyo pong habag ay ilawit sa aming mga kapatid na lumisan na sa lupa.
Maano nawa na ang iyo pong ilaw ay magliwanag sa kanilang mga mata, hanguin mo po sila sa mga kadiliman, buksan mo po ang kanilang mga mata at pandinig!
Maano nawang ang Iyo pong mga alagad ay ligirin sila at sa kanila ay iparinig ang mga salita ng kapayapaan at pag-asa!
Panginoon, bagaman di po kami karapat-dapat ay nangahas kaming sumamo upang ang iyong kawaan at patawad mo ay ipagkaloob sa mga kapatid naming tinawag mo sa tapunang ito. Gawin mo pong matulad ang kanilang pagbabalik sa anak at na alisaga ng Banal na Kasulatan.
Ang katarungan mo ay hindi magmamaliw, nalalaman namin, ngunit ang pag-ibig mo naman ay walang hanggan. Isinasamo nga namin na padaluyin ang iyong katarungan diyan sa batis ng kaawaang nagmumula sa Iyo.
Maano nawa na ang ilaw ay magliwanag sa inyo mga kapatid ko na lumisan na sa lupa.
Maano nawang ang mga mabubuting Espiritu ng Panginoon ay sumainyong piling, ligirin kayo at tulungang magkalag ng mga tanikala ng kalupaan, alamin ninyo at malasin ang kadakilaan ng ating Panginoon. Sumailalim kayo ng walang tutol sa kaniyang katarungan, subalit kailanman ay huwag kayong mawawalan ng pag-asa sa kaniyang kaawaan.
Mga kapatid, ang isa nawang tapat ng pagpapamalas sa inyong nakaraan ay makapagpabukas ng pinto ng haharapin at maipatalos sa inyo ang mga nalalabi ninyo pang pagkukulang at ang mga gawaing kinakailangan upang inyong mapagbayaran.
Patawarin kayo nawa ng Diyos, alalayan kayo at bigyan sigla ng Kanyang mga Banal na Alagad! Ang inyong mga kapatid sa lupa’y idalangin kayo at idalangin ninyo naman kami sa Ama.
PANALANGIN SA SESION ESPESIYAL
Amang Banal, panaingahan Mo po ang aming mga dalanging nagmumulos sa aming mga labi ng walang pandaraya. Ama, tunghayan mo po kami, kahabagan Mo po kami, liwanagan Mo po ang isip namin sa tuwina at huwag ipahintulot na kami ay salakayin ng kamatayan ng hindi kami handa.
Ama, pinagsisihan po namin ang nagawa naming mga kasalanan at itinitipan sa Iyo na di na gagawing muli, bagkus ay aalisin pa ang nalalabi naming masasamang asal. Gagawin naming maging mababang loob at mapagkawang-gawa sa kapwa hanggang sa kaaway, bigyan mo po naman kami ng lakas ng loob at kaparaanang kinakailangan upang maisagawa namin ang banal na adhikaing ito.
Ama, kaawaan Mo po ang mga kapatid naming naliligaw ng landas, pinaghaharian ng mainit na simbuyo at kataasan na pagkalooban ng maliwanag na isip at kahinahunan upang magsipagbalik loob sa Iyo.
Kaawaan Mo po ang mga kapatid naming mga medium na pagkalooban ng tibay ng loob at lakas ng katawan, maliwanag na isip at payapang budhi, upang mangalayo sa di karapat-dapat tumangkilik; magsasamang tulad sa tunay na magkakapatid at makagampan ng buong kaluwalhatian ng kanilang mga tungkuling sinumpaan mula pa sa himpapawid.
Kaawaan Mo po ang mga espiritung hindi pa nagsisisi, nangaghihirap at nangangailangan pa ng aming tulong, ang aming mga naging magulang, anak, apo, kabiyak ng puso at kapatid; ang lahat ng aming kakapatid sa simulating ito, ang lahat naming naging kamag-anak, kaibigan, kakilala o hindi man; gayon din ang nangaputi ang buhay sa mga digmaan, sigwa, sakuna at katampalasanan ng kapwa; lalung-lalo na ang sa amin ay nagkasala at aming pinagkasalahan; na pagkaloobang lahat ng pag-asa at kalinawagan ng pag-iisip upang magtamo ng kaginhawahan.
Patnubayan Mo po sila Mahal na Maestro at Mananakop, Mahal na Ina ng Sangkatauhan, Mahal na Protektor at kayong mga espiritung mananangkilik, akayin Ninyo sila sa matuwid na landas at paratingin Ninyo sa kanila ang aming mabubuting adhikain upang sila ay matawagan ng pansin sa madaliang pagpapakabuti.
Kaawaan Mo po, Ama, na ang mga lagim na nagbababala ay makapagpalambot na sana sa matigas na puso naming mga tao na di na kailanganin pa ang pagkatuloy, nguni’t kung ito ang karapat-dapat mangyari ay matupad Ama ang kalooban Mo sa tuwina at huwag ang sa amin; bigyan Mo lamang kami ng maliwanag na isip at lakas ng loob upang mapagtiisan naming ng walang pagtutol ang ano mang uri ng kahirapan; nawa ay makapagmulat sa aming pagkatao ang mga salot na nagbabala, makapagpabanal sa aming tibukin ang pag-untag na ito ng panahon at makilala naming na ang katarungan Mo, O! Dakilang Ama ay lagi nang kalakip ang pag-ibig.
At sa pagtulog naming sa gabing ito ay kaawaan Mo po na malayo ang aming mga kaluluwa sa mga manghihibo; na makapulong lamang ang mga banal Mong alagad at makintal nawa sa aming ala-ala ang kanilang mabubuting payo.
Kaawaan mo po Ama, na mga kapatid na mga kabataan na magkaroon ng maliwanag na isip at kahinahunan lagi na. Matumpak sa lahat ng alagatain para sa ikabubuti ng lahat at ng sa gayon ay makatulong sa pagpapalaganap ng karunungan, pag-ibig at kapayapaan sa sangkatauhan.
Kaawaan mo po Ama ang pangulo ng aming pamahalaan at ang kaniyang mga katulong na pagkalooban ng maliwanag na isip upang ang mga alagatain para sa bayan; at kami namang mga mamamayan ay magkaroon nawa ng mabuting pagsasamahan at pag-tutulungan sa ikabubuti rin ng lahat.
Salamat po Ama at pinagkalooban Mo kami ng buhay at lakas hanggang sa mga sandaling ito at maano nawa na ang nalalabi naming buhay ay magamit namin sa pag-ibig sa iyo ng una at higit sa lahat, at sa pag-ibig sa aming kapwa tulad ng sa sarili.
Salamat sa inyo aming Maestro at Mananakop, Mahal na Ina ng Sangkatauhan, Mahal na Protektor at ibang mabubuting espiritung alagad ng Diyos at kami ay inyong pinatnubayan at maano nawa ay huwag Ninyo kaming pagsawaan, subaybayan kami sa lahat ng dako sa tuwina; ipaisip sa aming lagi ng aming ikalalayo sa pakikipag-alit, pagkakasala at kapahamakan, at kami naman ay maging masunurin sa mga banal na halimbawa at aral.
Maghari nawa sa lahat ng tao at sa aming magkakapatid at gayon din, sa loob at labas ng lunduyang ito sa aming kapaligiran at sa sangkatauhan ang mabuting pagsasamahan, kababaang-loob kapayapaan, pag-iibigan ngayon at magpakailan man.
Siya nawa.
JUAN 15
1 Ako ang tunay na puno ng ubas, at ang aking Ama ang magsasaka.
2 Ang bawa’t sanga na sa akin ay hindi nagbubunga, ay inaalis niya: at ang bawa’t sanga na nagbubunga ay nililinis niya, upang lalong magbunga.
3 Kayo ay malilinis na sa pamamagitan ng salita na sa inyo ay aking sinalita.
4 Kayo ay manatili sa akin, at ako ay sa inyo. Gaya
5 Ako ang puno ng ubas, kayo ang mga sanga: Ang nananatili sa akin, at ako ay sa kaniya, ay siyang nagbubunga ng marami: sapagka’t kung kayo ay hiwalay sa akin ay wala kayong magagawa.
6 Kung ang sinuman ay hindi manatili sa akin, ay siya ay matatapong katulad ng sanga, at matutuyo; at sila ay titipunin ng mga lalake, at mga ihahagis sa apoy, at mangasusunog.
7 Kung kayo ay magsipanatili sa akin, at ang mga salita ko ay magsipanatili sa inyo, ay hingin ninyo ang anumang inyong ibigin, at gagawin sa inyo.
8 Sa ganito ay lumuluwalhati ang aking Ama, na kayo ay magsipagbunga ng marami; at gayon kayo ay magiging aking mga alagad.
9 Kung paanong inibig ako ng Ama, ay gayon din naman iniibig ko kayo: magsipanatili kayo sa aking pag-ibig.
10 Kung tinupad ninyo ang aking mga utos, ay magsisipanahan kayo sa aking pag-ibig, gaya
11 Ang mga bagay na ito ay sinalita ko sa inyo, upang ang aking kagalakan ay mapasa inyo, at upang ang inyong kagalakan ay malubos.
12 Ito ang aking utos, na kayo ay mangag-ibigan sa isa at isa, na gaya
13 Walang may lalong dakilang pag-ibig kaysa rito, na ibigay ng isang tao ang kaniyang buhay dahil sa kanyang mga kaibigan.
14 Kayo ay aking mga kaibigan, kung gawin ninyo ang mga bagay na aking iniuutos sa inyo.
15 Hindi na kayo tatawaging mga alipin; sapagka’t hindi nalalaman ng alipin kung ano ang ginagawa ng kaniyang panginoon; nguni’t tinatawag ko kayong mga kaibigan; sapagka’t ang lahat ng mga bagay na narinig ko / sa aking Ama ay mga ipinakilala ko sa inyo.
16 Ako ay hindi ninyo hinirang, nguni’t kayo ay hinirang ko, at akin kayong inihalal, upang kayo ay magsiyaon at magsipagbunga, at upang manatili ang inyong bunga: upang ang anumang hingin sa Ama sa aking pangalan, ay maibigay sa inyo.
17 Ang mga bagay na ito ay iniuutos ko sa inyo, upang kayo ay mangag-ibigan sa isa at isa.
18 Kung kayo ay kinapupuotan ng sanglibutan, ay inyong talastas na ako muna ang kinapootan bago kayo
19 Kung kayo ay taga sanglibutan, ay iibigin ng sanglibutan ang kaniyang sarili: nguni’t sapagka’t kayo ay hindi taga sanglibutan, kungdi kayo ay hinirang ko sa sanglibutan, kaya napupuot sa inyo ang sanglibutan.
20 Alalahanin ninyo ang salitang sa inyo ay aking sinasabi. Ang alipin ay hindi dakila kaysa kaniyang panginoon. Kung ako ay kanilang pinag-usig, kayo man ay kanilang pag-uusigin din; kung tinupad nila ang aking salita, ang inyo man ay tutuparin din.
21 Datapwa’t ang lahat ng mga bagay na ito ay gagawin nila sa inyo dahil sa aking pangalan, sapagka’t hindi nila nakikilala ang sa akin ay nagsugo.
22 Kung hindi sana
23 Ang napupuot sa akin ay napupuot din naman sa aking Ama.
24 Kung ako sana ay hindi gumawa sa gitna nila ng mga gawang hindi ginawa ng sinumang iba, ay hindi sana sila nangagkaroon ng kasalanan: datapwa’t ngayon ay kanilang nangakita at kinapuotan nila ako at ang aking Ama.
25 Nguni’t nangyari ito, upang matupad ang salitang nasusulat sa kanilang kautusan. Ako ay kinapuotan nila na walang kadahilanan.
27 At kayo naman ay magpapatotoo, sapagka’t kayo ay nangakasama ko buhat pa nang una.
